Сая авахуулсан зургаа 3 жилийн өмнөх зурагтайгаа харьцуулсан чинь нүүр царай, бие хаа гээд арай л биш байна уу? Энэ чинь байгалийн л жам шүү дээ гэж өөртэйгээ эвлэрвэл хүн болгон л та-лаад, гуай-лаад эхэлнэ дээ.

Энэ зөвхөн танд тулгараад буй зүйл биш. Хүн болгонд л тулгарч байгаа. Ганцхан үүнийгээ яаж хүлээж авч, ямар арга хэмжээ авч байгаа нь чухал.

Эмэгтэйчүүд бидний нийтлэг дүр бол гэр бүл, үр хүүхэд, ажил төрөлдөө анхаарч, орой ирээд хоол унд, хүүхдийн хичээл ном, ар гэрийн хэзээ ч дуусашгүй олон ажилдаа анхаарч, орой болоход энэ бүгдийн дараа хий нь гарсан шаар шиг ямар ч эрч хүчгүй болж, унтахын л түүс болно. Маргааш өглөө нь бас л энэ цикл давтагдаж, нэг л мэдэхэд олон жил өнгөрч, гоо сайхан, эрүүл мэнд маань үрэгдсээр. Эцэст нь та нарын төлөө л би өөрийгөө золиосолсон гэж хүүхдүүд, ач зээ нартаа гомдоллосон үрчийсэн, ааштай эмээ болно. Энэ таны хүсэж байгаа зүйл мөн үү? Мэдээж үгүй.

Өнөөдөр бидний дунд ажил бизнесээ ч амжилттай удирдаж, ар гэртээ ч анхаарал халамжаа зориулж, эрүүл мэнд, гоо сайхнаараа ч гялалзаж яваа олон сайхан бүсгүйчүүл бий. Тэдэнд ч, танд ч, надад ч мөн адил 24 цаг бий, бид бүгд эрх тэгш.

Эрүүл мэнддээ, гоо сайхандаа зарцуулах цаг зав хомс, олон ажил зэрэгцэж байгаа ч хэрэв та хүсвэл, хэрэв та ач холбогдол өгвөл, хэрэв та зоривол, өөртөө цаг гаргаж амьдралынхаа тэнцвэрийг хангаж чадна. Өөртөө цаг гаргаж, үр шимийг нь хүртэж, хөтөлбөрт маань ойр ойрхон ордог бүсгүйчүүл нилээн бий.

Хэрэв та “Гоо бүсгүй” хөтөлбөрт маань орвол 2-хон цагийн дотор ямар олон зүйлийг амжуулна гэдгээ төсөөлж байна уу? Зүгээр л шийдвэр гаргаад хөтөлбөрт ороод ир бүсгүй минь.