Би 2000 онд Анагаахын сургуулийн 4-р дамжааны оюутан байхдаа эзэмшиж буй мэргэжилд маань тус болох байх хэмээн анх иог, бясалгалын сургалтанд хамрагдсан цагаас хойш иог, бясалгал нь миний амьдралын салшгүй нэгэн хэсэг болжээ.

Бидний эргэн тойронд сэтгэл зүйн асуудлууд, биеийн эрүүл мэндийн хямралтай хүмүүс маш олон болсон учир оюутан байх үеэс дадуулсан иог, бясалгал дээрээ тулгуурлан эрүүл мэндийн хөтөлбөрүүдийг боловсруулж, цаг улиралтай уялдуулан биеийн цэвэрлэгээ хийх аргачлалыг аюурвед, уламжлалт анагаах ухаан болон орчин үеийн анагаах ухааны нотолгоонд суурилсан аргуудад тулгуурлан боловсруулж, 2019 оноос мянга мянган хүмүүсийг анагаан эрүүлжүүлээд байна.